АҚШ полицияси Флоридада 1997 йилнинг 7 ноябрида бедарак йўқолган Уильям Молдтнинг танаси қолдиқларини топди, деб хабар беради Meduza.
Тана қолдиқлари Google харитасида марҳумнинг кўлда ётган автомобили кўринганидан сўнг топилди.
Қайд этилишича, 40 ёшли Молдт Лантана шаҳридаги базмдан сўнг йўқолиб қолган. У йўқолганидан сўнг полиция эркакни қидирувга берган, бироқ топа олмаган эди.
Молдтнинг автомобилини Лантанадан тахминан 30 километр узоқликдаги Веллингтон шаҳридаги Moon BayCir кўчасидан йўлдош тасвирлари орқали топишди.
Кўлдаги машина мана шу кўчада аввал яшаган эркак томонидан топилган. У полицияга мурожаат қилган. Машинада инсон танаси қолдиқлари топилган. Бир ҳафтадан сўнг тана қолдиқлари Уилям Молдтга тегишли эканлиги аниқланган.
Палм-Бич округи шерифи офисида қайд этилишича, Молдт рулда бошқарувни йўқотган ва кўлга кириб кетган.
Изоҳ (0)