АҚШ Молия вазирлиги Шимолий Кореянинг учта ҳакерлар гуруҳини — Lazarus Group, Bluenorff ҳамда Andariel’ни санкциялар рўйхатига қўшиб қўйди, деб хабар беради Meduza.
Ушбу гуруҳлар 2017 йилнинг баҳорида бутун дунё бўйлаб юз минглаб компьютерларга зарар етказган WannaCry таъмагир вирусини яратишда гумонланган. Ушбу вирус компьютернинг қаттиқ дискидаги маълумотларни шифрлаб, унинг эгасидан 300 доллар миқдорида биткоин талаб қилган.
АҚШ ҳукуматининг маълумотларига кўра, гуруҳлар тўғридан тўғри Шимолий Корея раҳбариятига боғлиқ. Бироқ Пхеньян Вашингтоннинг WannaCry киберҳужумлари учун жавобгар эканлиги ҳақидаги айбловини рад этган эди.
Изоҳ (0)