Олий Мажлис Қонунчилик палатасида бир қатор қонунлар иккинчи ўқишда депутатлар томонидан кўриб чиқилиши учун маромига етказилаётган бўлса, қонун ташаббуси ҳуқуқига эга субъектлар томонидан киритилган яна айрим қонун лойиҳалари биринчи ўқишда муҳокама қилиш учун масъул қўмиталар томонидан тайёрланмоқда. Бу ҳақда Олий Мажлис Қонунчилик палатаси депутати Алишер Ҳамроев маълум қилди.
Улардан бири «Қўриқлаш ва назорат-лицензиялаш фаолиятининг такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳаси бўлиб, у Вазирлар Маҳкамаси томонидан қонунчилик ташаббуси ҳуқуқи асосида Олий Мажлис Қонунчилик палатаси муҳокамасига киритилди.
«Ушбу қонун лойҳасининг ишлаб чиқилиши зарурати нимада эди?», деган савол туғилиши табиий. Маълумки, Ўзбекистон Миллий гвардияси таркибига муқаддам Ички ишлар вазирлиги таркибида бўлган Қўриқлаш Бош бошқармаси ва унинг бўлинмалари, Патрул-пост хизмати ва Жамоат тартибини сақлаш Бош бошқармаси, Хорижий давлатлар дипломатик ваколатхоналарини қўриқлашни таъминлаш бўйича алоҳида батальони, Назорат-рухсат бериш фаолияти бўлими ўтказилди ва бу ўз навбатида Ўзбекистон Республикасининг айрим қонун ҳужжатларига ўзгартишлар киритишни талаб этади.Қайд этилишича, лойиҳа қонун ташаббускори томонидан қуйи палатага киритилганидан сўнг Мудофаа ва хавфсизлик малалалари қўмитаси томонидан соҳага оид амалдаги қонун нормалари ўрганилди, экспертлар ва мутахасислар фикр-мулоҳазалари олинди ва қонун лойиҳаси биринчи ўқишга тайёрланди.Алишер Ҳамроев
Лойиҳа билан Миллий гвардия ҳарбий хизматчиси (ходими)нинг ҳуқуқбузарликларнинг олдини олиш йўналишидаги вазифалари, уларнинг мажбурият ва ваколатлари белгиланмоқда.
Айни пайтда қонун лойиҳаси барча сиёсий партиялар фракциялари ва Ўзбекистон Экологик ҳаракати депутатлик гуруҳига тақдим этилган бўлиб, улар томонидан билдирилган таклиф ва мулоҳазаларни инобатга олган ҳолда, Қонунчилик палатасининг навбатдаги ялпи мажлисида биринчи ўқишда кўриб чиқилиши режалаштирилган.
Изоҳ (0)