Тошкент вилоятида йўл-транспорт ҳодисаларининг олдини олиш мақсадида кўчма фоторадарлар сони кўпайтирилди. Бу ҳақда Тошкент вилояти ИИБ ЙҲХБ матбуот бўлинмаси «Дарё»га хабар берди.
Тошкент вилояти ИИББ Йўл харакати хавфсизлиги бошқармаси томонидан М39 «Олмаота—Бишкек—Тошкент—Термиз» (Тошкент шаҳри ва республиканинг 8 вилоятини ва Қорақалпоғистон Республикасини боғловчи йўл) автомобиль йўли, А373 «Тошкент—Ўш» (Тошкент шаҳри ва водий вилоятларини боғловчи йўл) автомобиль йўли ва 4Р12 «Бектемир—Чирчиқ—Ғазалкент—Чорбоғ» (Тошкент шаҳри ва Бўстонлиқ туманларини боғловчи йўл) автомобиль йўли, 4Р2 «Тошкент шаҳри—Тўйтепа шаҳри—А373 автойўли» ( Тошкент ва Нурафшон шаҳарларини боғловчи йўл) ва асосий оғир йўл-транспорт ҳодисалари содир бўладиган 4Р20 «Қорасув—Бўка—Бекобод» (Тошкент шаҳри ва Бекобод шаҳарларини боғловчи йўл) автомобиль йўлларида онлайн режимда ишловчи 8 та кўчма фоторадар — халқ тили билан айтганда «Уч оёқли радар» сутканинг 24 соати мобайнида ўрнатилиб ишлатилмоқда.
Ушбу фоторадарлар бир сутка мобайнида 4000 дан ортиқ тезликни меъёридан ошириш ҳолатларини аниқлаб, қоидабузарлик тўғрисидаги маълумотларни «Ўзбекистон почтаси» орқали қоидабузарликни содир этган ҳайдовчи ёки юридик шахснинг манзилига етказилмоқда.
Изоҳ (0)