Халқ депутатлари Тошкент вилояти Кенгашининг 38-сессиясида ташкилий масала кўрилди, дея хабар бермоқда вилоят ҳокимлиги ахборот хизмати.
Хабар беришларича, Камолиддин Шерматов вилоят ҳокимининг қишлоқ ва сув хўжалиги масалалари бўйича биринчи ўринбосари лавозимига тайинланган.
Камолиддин Шерматов 1974 йилда Самарқанд вилояти Паяриқ туманида туғилган. 1996 йилда Самарқанд давлат архитектура ва қурилиш институти, 2002 йилда Самарқанд қишлоқ хўжалик институти, 2006 йилда Самарқанд давлат университетини тамомлаган. Мутахассислиги бўйча муҳандис-иқтисодчи, агроном, ҳуқуқшунос.
Камолиддин Шерматов фаолияти давомида Қишлоқ ва сув хўжалиги ҳудудий бошқармалари ва вазирлигида турли лавозимларда, Республика Ўсимликлар карантини бош давлат инспекциясида бошлиқ ўринбосари, Чиноз тумани ҳокими, Вазирлар Маҳкамаси ҳузуридаги Агросаноат мажмуи устидан назорат қилиш инспекциясида бошқарма бошлиғи сифатида ишлаган.
Изоҳ (0)