The Economist журнали комплекс хавфсизлик нуқтаи назаридан дунёнинг 60 та энг йирик шаҳарларини баҳолади, деб ёзмоқда Meduza.
Рейтингда биринчи ўринни Токио эгаллади. Ундан кейин Сингапур ва Осака шаҳарлари ўрин олди. Кучли бешталикка, шунингдек, Амстердам ва Сидней шаҳарлари ҳам кирди.
Рўйхатнинг қуйи поғоналаридан Янгон (Мьянманинг собиқ пойтахти), Каракас ва Лагос (Нигериянинг йирик порт шаҳри) шаҳарлари ўрин олган.
Рейтинг тузувчилар дунёнинг энг йирик шаҳарларини рақамли хавфсизлик, соғлиқни сақлаш, инфраструктура хавфсизлиги, шунингдек, шахсий хавфсизлик каби жами 57 та кўрсаткич бўйича баҳолаган.
Энг хавфсиз шаҳарлар рейтингидан Ўзбекистон шаҳарлари ҳам, Марказий Осиёдаги бошқа шаҳарлар ҳам ўрин олмаган.
Изоҳ (0)