Жанубий Кореянинг Япониядаги элчихонасига ўқ солинган таҳдид хати келиб тушди, деб хабар бермоқда «Асахи симбун» газетаси.
«РБК»нинг ёзишича, аноним хат Кореянинг Япониядаги собиқ элчиси Исао Ли номига ёзилган.
Унда қуролланган хат жўнатувчи кореяликларни таъқиб қилишни режалаштиргани ёзилган. «Кореяликлар, кетинглар бу ердан!», — дея аноним мурожаатидан иқтибос келтирган газета.
Конвертдаги ўқ, тахминларга кўра, тўппонча учун мўлжалланган. Корея элчихонаси воқеа юзасидан полицияга мурожаат қилган.
25 август куни Жанубий Корея Қуролли кучлари Япония билан ҳудудий тортишувга сабаб бўлган Токто оролида икки кунлик ҳарбий машқлар ўтказиши маълум бўлган эди. Япония ҳукумати бунга норозилик билдирган ва Жанубий Кореядан уни тўхтатишни талаб қилган.
Изоҳ (0)