Ливан ҳукумати мамлакатда фавқулодда иқтисодий ҳолат эълон қилди. Бу ҳақда Ливан президентининг сайтига таяниб, «РБК» хабар берди.
Бу каби қарор Ливан Марказий банки раҳбари ҳамда ливанлик сиёсатчилар ўртасида бўлиб ўтган учрашувдан сўнг қабул қилинган. Президент Мишель Аун сиёсий ва шахсий келишмовчиликларни «олий қадриятлар сабаб» четга суришга чақирди.
Бош вазир Саъд Ҳаририйнинг айтишича, янги бюджет режаси кейинги ҳафта тақдим этилади. Унинг сўзларига кўра, сиёсатчилар мамлакатдаги вазиятни назорат қилиш билан шуғулланувчи махсус қўмита яратишга ҳам келишиб олган.
Бош вазирнинг сўзларига кўра, Ливанда янги пенсия тизими яратилиб, давлат секторидаги бандлик музлатилади. Амалдорлар давлат ва хусусий сектор ҳамкорлиги орқали қарздорлик даражасини пасайтириш устида ишлайди.
Assosiated Press агентлигининг таъкидлашича, Ливан ҳукумати жорий йилда бюджет етишмовчилигини 7,6 фоиз ЯИМга, 2020 йилда эса 6,5 фоизга қисқартиришни режа қилмоқда.
Изоҳ (0)