Ўзбекистон терма жамоаси ҳужумчиси Элдор Шомуродов Россия чемпионатининг 8-туридан сўнг 7 та гол билан мусобақа тўпурарлари рўйхатида етакчилик қилмоқда.
«Дарё» эса фурсатдан фойдаланиб 24 ёшли ҳужумчининг жорий мавсумдаги 7 та голини битта саҳифага жойлади.
Эслатиб ўтамиз, аввалроқ Шомуродовнинг Премьер лигада август ойининг энг яхши ўйинчи сифатида эътироф этилгани ҳақида хабар берилганди.
Маълумот учун, Элдор Шомуродов 1995 йил 29 июнь куни Сурхондарё вилоятининг Жарқўрғон туманида таваллуд топган. Элдор футбол билан 6 ёшидан шуғулланишни бошлаган. 11 ёшидан «Машъал» академиясида таҳсил олган. Профессионал футболчилик фаолиятини эса «Машъал»да бошлаб, «Бунёдкор»да давом эттирган. 2015 йилда Осиёнинг энг яхши ёш ўйинчиси бўлишга номзод сифатида кўрсатилган. Якунда ўзбекистонлик бошқа бир футболчи Достонбек Ҳамдамовга имкониятни бой берган.
«Ростов»га эса 2017 йил июлида кўчиб ўтган. 2019 йилнинг май ойида эса клуб билан шартномасини 5 йилга узайтирган.
8-тур
«Локомотив»—«Ростов» 1:2
Шомуродовдан 42 ҳамда 52-дақиқада гол7-тур
«Ростов»—«Рубин» 2:1
Шомуродовдан 29-дақиқада гол6-тур
«Ростов»—«Крилья Советов» 1:0
Шомуродовдан 33-дақиқада гол4-тур
«Урал»—«Ростов» 2:2
Шомуродовдан 67-дақиқада гол3-тур
«Арсенал Тула»—«Ростов» 2:3
Шомуродовдан 81-дақиқада гол1-тур
«Ростов»—«Оренбург» 2:1
Шомуродовдан 11-дақиқада голЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)