O‘zbekiston terma jamoasi hujumchisi Eldor Shomurodov Rossiya chempionatining 8-turidan so‘ng 7 ta gol bilan musobaqa to‘purarlari ro‘yxatida yetakchilik qilmoqda.
“Daryo” esa fursatdan foydalanib 24 yoshli hujumchining joriy mavsumdagi 7 ta golini bitta sahifaga joyladi.
Eslatib o‘tamiz, avvalroq Shomurodovning Premyer ligada avgust oyining eng yaxshi o‘yinchi sifatida e’tirof etilgani haqida xabar berilgandi.
Ma’lumot uchun, Eldor Shomurodov 1995-yil 29-iyun kuni Surxondaryo viloyatining Jarqo‘rg‘on tumanida tavallud topgan. Eldor futbol bilan 6 yoshidan shug‘ullanishni boshlagan. 11 yoshidan “Mash’al” akademiyasida tahsil olgan. Professional futbolchilik faoliyatini esa “Mash’al”da boshlab, “Bunyodkor”da davom ettirgan. 2015-yilda Osiyoning eng yaxshi yosh o‘yinchisi bo‘lishga nomzod sifatida ko‘rsatilgan. Yakunda o‘zbekistonlik boshqa bir futbolchi Dostonbek Hamdamovga imkoniyatni boy bergan.
“Rostov”ga esa 2017-yil iyulida ko‘chib o‘tgan. 2019-yilning may oyida esa klub bilan shartnomasini 5 yilga uzaytirgan.
8-tur
“Lokomotiv”—“Rostov” 1:2
Shomurodovdan 42 hamda 52-daqiqada gol7-tur
“Rostov”—“Rubin” 2:1
Shomurodovdan 29-daqiqada gol6-tur
“Rostov”—“Krilya Sovetov” 1:0
Shomurodovdan 33-daqiqada gol4-tur
“Ural”—“Rostov” 2:2
Shomurodovdan 67-daqiqada gol3-tur
“Arsenal Tula”—“Rostov” 2:3
Shomurodovdan 81-daqiqada gol1-tur
“Rostov”—“Orenburg” 2:1
Shomurodovdan 11-daqiqada golYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)