Мустақилликнинг 28 йиллиги муносабати билан Наманганда вилоят ҳокимлиги томонидан ташкиллаштирилган катта байрам мушакбозлиги бўлиб ўтди. Бу ҳақда «Дарё» мухбири Азизбек Абдувалиев хабар бермоқда.
Бунинг учун тажрибали мутахассислар жалб қилинган ва улар бир ҳафта давомида тайёргарлик ишларини олиб борган.
1 сентябрь куни 21:00 га яқин Наманган шаҳридаги «Афсоналар водийси» боғига минглаб наманганликлар ва қўшни вилоятлардан келган меҳмонлар тўпланди. Улар орасида ижтимоий тармоқларда Дима Қаюм номи билан танилган фарғоналик блогер Дилшод Болтабоев ҳам бор эди.
—36 ёшга кириб, тўғриси, бунақанги мушакбозликни кўрмаганман. Ўзи ҳам нақ 10 дақиқага яқин отилди-ёв. Асосийси, халқнинг кайфияти кўтаринки. Буни ён-атрофимдаги одамларни кузатиб ҳам сездим, — дейди Дилшод.
Ҳисоб-китобларга кўра, шу куни 80 хил рангда 1150 та мушак отилган. Энг кучли салютнинг баландлиги эса 300 метрдан ошган.
Қайд этиш жоизки, бу йилги байрам салюти Наманганда ўтказилган мушакбозлик тарихида энг баланди бўлди.
Изоҳ (0)