Грузия бош вазири Мамука Бахтадзе Facebook’даги саҳифасида эгаллаб турган лавозимидан истеъфога чиқиши ҳақида маълум қилди. Бу ҳақда Meduza хабар бермоқда.
Парламент етакчиси Георгий Вольскийнинг таъкидлашича, бош вазирликка янги номзод 3 сентябрь куни эълон қилинади.
Аввалоқ ОАВлар Грузия ҳукуматининг янги раҳбари этиб мамлакат ИИВ раҳбари Георгий Гахария тайинланишини тахмин қилган эди.
Тбилисида июнь август ойларида ҳукуматга қарши ўтказилган митингда иштирок этган минглаб одамлар ИИВ раҳбари Георгий Гахариянинг истеъфосини талаб қилган.
Тбилисидаги норозиликлар шароитида Россия президенти Владимир Путиннинг қарорига кўра, 8 июлдан бошлаб Россия ва Грузия ўртасидаги тўғридан тўғри рейслар чекланган.
Изоҳ (0)