Швеция ҳукумати банкларга янги солиқлар жорий қилиш орқали мудофаа харажатларини оширмоқчи, деб хабар бермоқда Bloomberg ва Reuters. ОАВлар бу қарорни Россия билан боғлиқ хавотирлар билан боғламоқда.
«Коммерсантъ»нинг ёзишича, банкларга солиқлар оширилиши режалаштирилаётгани ҳақида Швеция Молия вазири Магдалена Андерссон маълум қилган. Унинг сўзларига кўра, солиқлар швед ғазнасига йилига 5 миллиард крон (508 миллион доллар) тушиши имконини беради.
Молий вазирининг айтишича, банклар иқтисодиётга муайян хавф туғдиради, шунинг учун улар «кўпроқ ҳисса қўшиши керак». Унинг таъкидлашича, инқироз пайтида банклар давлат ёрдамига муҳтож бўлиши мумкин. Шу сабабли солиқларни ҳозирданоқ тўлаш лозим. Солиқлар қай тартибда олиниши ҳақида Андерссон хоним кейинроқ айтишга ваъда берган.
Вазирнинг баёноти ҳукумат 2025 йилга келиб мудофаа харажатларини ЯИМнинг 1 фоизидан 1,5 фоизга ошириши режасини эълон қилганидан сўнг маълум қилинган. Вазирлар маҳкамасининг ҳисоб-китобларига кўра, 2022 йилга келиб бюджет 5 миллиард крон (508 миллион доллар)га, 2023 йилда ҳудди шунчага, 2024 ва 2025 йилда эса яна 5 миллиард кронга ошади.
Унда мудофаа вазири Петер Хультквист 2008 йилда Грузия ва 2014 йилда Украинадаги можаролар сабабли хавфсизлик бўйича вазият ёмонлашганини эслатган.
Изоҳ (0)