Польша президенти Анжей Дуда Иккинчи жаҳон уруши бошланган кунга 80 йил тўлиши муносабати билан Варшавада ўтказилган маросимда «дунё фожиадан хулоса чиқармагани»ни таъкидлади, деб хабар беради «Коммерсант».
«Ўша машъум ҳарбий низо 50, айрим манбаларга кўра, 80 миллион одамни ўз домига тортди. Бу замонавий инсоният тарихидаги энг қўрқинчли воқеа. Биз буни унутмаймиз ва унутмаслигимиз керак. Шунинг учун бу ерга йиғилдик», — дейди президент. Дуда ўз чиқишида бошқа ҳеч қачон уруш билан тўқнашмаслик учун «ҳар қандай ҳарбий тажовузга» кескин жавоб қайтариш лозимлигини таъкидлади.
Иккинчи жаҳон уруши бошланганлигининг 80 йиллигига бағишланган тадбирларнинг асосий қисми Варшавада бўлиб ўтди. Унда қирқдан ортиқ делегациялар, жумладан, 20 га яқин мамлакат ва ҳукумат раҳбарлари иштирок этди. Польша ушбу маросимга Россияни таклиф этмаган. Ушбу қарор Россия томони «тарихий ҳақиқат руҳини сақлаб қолишга» қизиқмаётгани билан изоҳланди.
Изоҳ (0)