Қашқадарёда 2 сентябрь куни ўтказилган вилоят ИИБ тизимда фаолият юритувчи ходимларни тақдирлаш маросимида Деҳқонобод тумани ҳокими Зоир Алиқуловга полковник унвони топширилди. Бу ҳақда «Дарё» мухбири хабар бермоқда.
Тадбирда сўз олган вилоят ИИБ бошлиғи Дилшод Турсунбоев 2 нафар ходими — подполковник Зоир Алиқулов ҳамда подполковник Фурқат Ражабовларга Ички ишлар вазирининг 2019 йил 30 август кунидаги буйруғига кўра полковник унвони берилганини маълум қилган.
Дилшод Турсунбоевнинг айтишича, республика миқёсида 9 нафар ИИБ ходими полковник унвонига муносиб кўрилган. Шундан 2 нафари Қашқадарё вилоят ИИБ тизимида фаолият юритувчи ходимлар ҳисобланади.
Шунингдек, вилоят ҳокимлигида бўлиб ўтган Президент фармонига мувофиқ мукофотланган қашқадарёликларни тақдирлаш маросимида Зоир Алиқуловга «Содиқ хизматлари учун» медали топширилди.
— Бугунги кун мен учун жудаям қадрли бўлди. Боиси, бугун туман ҳокими сифатида Президентимиз эътирофига сазовор бўлиш баробарида, Ички ишлар вазирлиги томонидан полковник унвонига ҳам муносиб кўрилдим, — дейди Деҳқонобод тумани ҳокими Зоир Алиқулов. — Демакки, бу менга янаям масъулият юклайди. Бундан кейин икки карра кўп ишлашим, ишончни оқлашим керак.
Маълумот учун, Зоир Алиқулов туман ҳокимлигига қадар вилоят ИИБ тизимида фаолият олиб борган.
Деҳқонобод ҳақида бошқа қизиқарли хабарлар
- Деҳқонобод туманида бир метр қалинликда қор ёғди (фото)
- Деҳқонободда кўчки темирйўлни ишдан чиқарди, чўккан йўлга поезд тиқилиб қолди (фото)
- Деҳқонободда кучли ёмғир натижасида катта автомобиль йўли ўпирилиб тушди (фото)
- Жин кўприклари билан машҳур бўлган Деҳқонободда жами 27 та кўприк қурилади. 13-кўприк фойдаланишга топширилди (фото)
- Деҳқонободдаги 110 ва 170 метрли жин кўприклар таъмирланди (фото)
- Деҳқонобод аҳолисининг атиги 2 фоизи марказлашган сув тизими билан таъминланган
Изоҳ (0)