Қозоғистон президенти Қосим-Жомарт Тўқаев ўзининг биринчи халққа қилган мурожаатида мамлакатда сиёсий рақобатни ривожлантириш ниятида эканини билдирди. Шунингдек, у давлат аппарати ходимларини 25 фоизга қисқартириш режаси ҳақида таъкидлади деб ёзади «Kommersant.ru».
Тўқаевнинг фикрича, мамлакатда кўп партияли тизимни ривожлантириш керак.
«Давлат раҳбари сифатида, мен кўп партиявийлик, сиёсий рақобат ва мамлакатда фикрлар хилма-хиллигини ривожлантиришга ҳисса қўшишни вазифам деб биламан. Бу узоқ муддатли истиқболда сиёсий тизимнинг барқарорлиги учун муҳимдир», — дейилади мурожаатда.
Қозоғистон президентининг фикрича, мамлакатда Конституцияга зид чорлов ва безориликлардан иборат бўлмаган тинчлик акциялари ва митингларини ўтказишга рухсат бериш керак.
«Агар акциялар қонун ва фуқаролар тинчини бузишга қаратилган бўлмаса, белгиланган тартибда уларни ўтказишга рухсат бериш, жумладан, уларга шаҳар четида бўлмаган махсус жойлар ажратилиши керак".
Шунингдек, президент миллий компаниялардаги давлат хизматчилари ва ишчиларни 2024 йилдан 25 фоизга қисқартиришга кўрсатма бериб, ёш тайёр кадрларни ишга олишни таклиф қилган.
«2020 йилдан бошлаб давлат хизматчилари сонини аста-секин камайтириб, ортган маблағларни фойда келтирувчи ишчиларни рағбатлантириш учун ишлатамиз», — дейди давлат раҳбари.
Изоҳ (0)