Украина президенти Владимир Зеленский давлат раҳбари сифатида фаолиятининг илк 100 кунидан сўнг «Халқ хизматкори» сериалида бош вазир ролини ўйнаган актёр Станислав Бокланга интервью берди — суҳбатнинг тўлиқ шаклини бу ерда (украин тилида) кўриш мумкин. Meduza эса ушбу интервьюнинг қисқача баёнини ҳавола қилди.
Мен ижтимоий тармоқларда шахсан ўзим коммент ёзиб, саволларга жавоб бераман. Мураккаб масалалар бўйича рафиқам билан маслаҳатлашаман, чунки менга атрофимда ҳақиқатни гапирадиган одамлар керак. Ишга велосипедда қатнашимга рухсат беришмаяпти — бу хавфли. Путин билан ўртамизда ҳеч қандай муносабат йўқ. Мен унга денгизчилар масаласида қўнғироқ қилдим, чунки ундан бошқа ҳеч ким уларни бизга қайтариб бермайди. Ташқи ишлар вазирлигидагилар мени бу ишдан қайтаришга уринди, улар учун бу сиёсий масала бўлса, мен учун — инсонийлик масаласи. АҚШ бизни қўллаб-қувватлаяпти, лекин биз қўлимизни чўзиб уларнинг олдида турмаймиз. Коррупционерларни қамаш ишлари кузда, аксилкоррупциявий суд ишга тушгач бошланади. Биз Медведчукнинг партияси қайси мамлакатдан туриб молиялаштирилаётганини биламиз — бу ишнинг охири жуда ҳам ёмон бўлади. Миллий озчиликларнинг ҳуқуқларини ҳимоя қилиш керак: уларнинг тили ва эътиқодини ҳимоя қилувчи қонун бўлиши керак.Владимир Зеленский, Украина президенти
Изоҳ (0)