Халқаро олимпия қўмитаси (ХОҚ) Токио мезбонлик қиладиган 2020 йилги Олимпиада ўйинларининг бокс бўйича мусобақаларига йўлланма берувчи саралаш жанглари ўтказилиш жойларини маълум қилди.
Осиё ва Океания минтақаси беллашувларига Хитойнинг Вуҳан шаҳри мезбонлик қилади. Мусобақа 2020 йилнинг 3 февралидан 14 февралигача ўтказилади.
20—29 февраль кунлари бўлиб ўтадиган Африкадаги турнирга Сенегал мезбонлик қилади. Европадаги саралаш босқичи эса 13—23 март кунлари Лондонда бўлиб ўтса, Америка минтақаси учун ажратилган йўлланмалар 26 мартдан 3 апрелга қардар Аргентинадаги мусобақада ўйналади.
Шунингдек, ўз минтақасида йўлланмага эга чиқа олмаган боксчилар учун 13—24 май кунлари Парижда халқаро мусобақа ташкил қилинади.
Эслатиб ўтамиз, ХОҚ аввалроқ AIBA’ни Олимпиадага йўлланма берувчи мусобақалар ўтказиш ҳуқуқидан маҳрум қилганди.
Янада кўпроқ бокс ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)