Мауро Икарди ўзи тўп сурадиган Миланнинг «Интер» клубини судга берди, дея хабар қилмоқда La Gazzetta dello Sport.
Таъкидланишича, 26 ёшли футболчи жамоа машғулотларига қайтишни истаяпти, шунингдек, у клубдан 1,5 миллион евро миқдорида компенсация талаб қилмоқда.
Ҳозирда ҳужумчи жамоанинг асосий таркиб ўйинчилари билан бирга машғулот ўтказаётгани йўқ. У Конте томонидан асосий таркиб футболчилари билан машғулот ўтказишдан мосуво қилинган.
Аввалроқ клуб бош мураббийи Антонио Конте Икардига ишонч билдирмаётганини раҳбарият футболчига етказган эди. Бироқ аргентиналик футболчи жамоада қолишини таъкидлаган.
Қайд этиш жоиз, Икардига «Монако» ва «Наполи» жамоаларидан қизиқиш бор. Унинг ўзи «Ювентус»га ўтишни истамоқда, бироқ туринликлар трансфер борасида таклиф билан чиқмаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)