Xalqaro olimpiya qo‘mitasi (XOQ) Tokio mezbonlik qiladigan 2020-yilgi Olimpiada o‘yinlarining boks bo‘yicha musobaqalariga yo‘llanma beruvchi saralash janglari o‘tkazilish joylarini ma’lum qildi.
Osiyo va Okeaniya mintaqasi bellashuvlariga Xitoyning Vuhan shahri mezbonlik qiladi. Musobaqa 2020-yilning 3-fevralidan 14-fevraligacha o‘tkaziladi.
20—29-fevral kunlari bo‘lib o‘tadigan Afrikadagi turnirga Senegal mezbonlik qiladi. Yevropadagi saralash bosqichi esa 13—23-mart kunlari Londonda bo‘lib o‘tsa, Amerika mintaqasi uchun ajratilgan yo‘llanmalar 26-martdan 3-aprelga qardar Argentinadagi musobaqada o‘ynaladi.
Shuningdek, o‘z mintaqasida yo‘llanmaga ega chiqa olmagan bokschilar uchun 13—24-may kunlari Parijda xalqaro musobaqa tashkil qilinadi.
Eslatib o‘tamiz, XOQ avvalroq AIBA’ni Olimpiadaga yo‘llanma beruvchi musobaqalar o‘tkazish huquqidan mahrum qilgandi.
Yanada ko‘proq boks va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)