«Барселона»нинг аргентиналик ҳужумчиси Лионель Месси каталонларга Ла Лиганинг 3-турида ҳам ёрдам бера олмайдиган бўлди.
Каталония клуби «Осасуна»га қарши ўйин қайдномасини эълон қилди. Ундан Лионель Месси билан биргаликда Луис Суарес ҳамда Усмон Дембеле ҳам ўрин олмаган. Мазкур футболчилар жароҳатини даволаш билан банд.
Бундан ташқари мавсум аввалида «Бетис»дан харид қилинган Хуниор Фирпо ҳам тиззасидан олган жароҳати сабаб қайдномага киритилмаган.
«Барселона»нинг «Осасуна»га қарши ўйин қайдномаси эса қуйидагича кўриниш олган:
Марк-Андре тер Штеген, Иняки Пеня, Нелсон Семеду, Жерар Пике, Иван Ракитич, Сержи Бускетс, Артур, Рафинья, Клеман Лангле, Антуан Гризманн, Френки де Йонг, Жорди Альба, Самюуэль Умтити, Мусса Ваге, Артуро Видаль, Карлес Перес, Анссумане Фати.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)