Ўзбекистон Экология ва атроф муҳитни муҳофаза қилиш қўмитаси Тошкентда арча дарахтларини оммавий кесиш ҳолатига изоҳ берди, деб ёзмоқда қўмита матбуот хизмати.
Ижтимоий тармоқларда Тошкентнинг Мирзо Улуғбек кўчаси бўйлаб собиқ туман ички ишлар бўлими биноси ёнида арча дарахтларининг оммавий кесилаётгани ҳақида хабарлар пайдо бўлган эди.
Маълум бўлишича, ушбу дарахтлар 110 килоВолтли электр линияси остида ўсган бўлиб, уларнинг бўйи электр тармоғидан фойдаланиш ҳамда атрофдаги одамлар учун хавфли даражага етган. Шу сабабли, бахтсиз ҳодисаларнинг олдини олиш мақсадида юқори волтли электр тармоғининг қўриқлаш ҳудудида бўлган баланд бўйли дарахтларни кесишга рухсат берилган.
Маълумот учун, ушбу электр тармоғи Мирзо Улуғбек, Яшнобод, Миробод ва Юнусобод туманларини электр токи билан таъминлайди.
Изоҳ (0)