Африканинг Того давлати Косово мустақиллигини тан олмаган 15-мамлакат бўлди. Бу ҳақда Сербия ташқи ишлар вазири Ивица Дачич маълум қилди, деб ёзади «Korrespondent.net».
Вазирнинг айтишича, Белград Косовони тан олмасликда давом этади. Тогодан ташқари Косовога нисбатан Марказий Африка Республикаси, Палау Республикаси, Мадагаскар, Соломон ороллари, Лесото, Суринам, Гранада, Комор ороллари Иттифоқи, Бурунди, Доминика Ҳамдўстлиги, Сан-Томе ва Принципи, Либерия, Гвинея-Бисау, Папуа-Янги Гвинея ҳам ўз позициясини билдирган.
Аввалроқ, Косово расмийлари барча сербиялик амалдорларни мамлакатга киритмасликка қарор қилган. Сербия ташқи ишлар вазирлиги Косовонинг бу ҳаракатини аҳмоқлик деб баҳолади. Июнь ойида Сербия агар халқаро ҳамжамият Косовода яшаётган сербларни ҳимоя қилмаса, Косовога бостириб киришга тайёр эканини маълум қилган.
Изоҳ (0)