19—23 август кунлари онлайн-аукцион савдоларида бошланғич нархи 1 сўмга тенг қийматдаги 23 та бўш турган давлат мулки объекти, 93 та ер участкасига бўлган ҳуқуқ ва суд ҳужжатларини ижро этиш бўйича 40 та объект сотилди. Бу ҳақда Spot хабар берди.
Давлат мулки объектлари
Бошланғич нархи 1 сўм қилиб белгиланган бўш турган 23 та давлат мулки объекти 9 млрд 430 миллион сўм инвестиция киритиш, 160 та янги иш ўрнини яратиш шарти билан 1 миллиард 793 миллион сўмга сотилди. 54 та объект савдога чиқарилди, 31 та объект реализация қилинди.
Ер участкаларига бўлган ҳуқуқ
Жами 93 та бошланғич нархи 356,4 миллион сўмлик ер участкаларига бўлган ҳуқуқ 33 миллиард 554,3 миллион сўмлик инвестиция киритиш ва 409 та янги иш ўрнини яратиш шарти билан 1 миллиард 848,6 миллион сўмга сотилди.
Ҳафта давомида жами 299 та бошланғич нархи 1 миллиард 100,6 миллион сўмлик ер участкасига бўлган ҳуқуқ электрон онлайн-аукцион савдоларига чиқарилди.
Шунингдек, ҳозирги кунда 2986 та бошланғич нархи 92 миллиард 403,7 миллион сўмлик бўш ер участкаси электрон онлайн-аукцион савдоларида реализация қилиш учун жойлаштирилган.
Суд ҳужжатларини ижро этиш бўйича
Суд ҳужжатлари ва бошқа органлар ҳужжатларини ижро этишда мол-мулкни реализация қилиш бўйича жами 40 та объект 5 миллиард 779,8 миллион сўмга сотилди. Ҳафта давомида 73 та объект электрон онлайн-аукцион савдоларига чиқарилди.
Дарё ўзанлари тозалаш ҳуқуқи
Жами 3 та дарё ўзанларини тозалаш лойиҳаси 886,7 миллион сўмга сотилди. Шу билан бирга, ҳафтада жами 3 та бошланғич нархи 1 миллиард 95 миллион сўмлик дарё ўзанларини тозалаш лойиҳаси электрон онлайн-аукцион савдоларига чиқарилди.
Шунингдек, ҳозирги кунда 31 табошланғич нархи 9 миллиард 848,4 миллион сўмлик дарё ўзанларини тозалаш лойиҳаси электрон онлайн-аукцион савдоларида реализация қилиш учун жойлаштирилган.
Металл қазиб олиш ҳуқуқи
57 та бошланғич нархи 427,5 миллион сўмлик қимматбаҳо металларни қазиб олиш ҳуқуқи 456,4 миллион сўмга сотилди.
Ҳозирги кунда 20 та бошланғич нархи 150 миллион сўмлик қимматбаҳо металларни қазиб олиш ҳуқуқи электрон онлайн-аукцион савдоларида реализация қилиш учун жойлаштирилган.
Изоҳ (0)