«Гранада» — «Севилья»
Жума оқшомида «Севилья» клуби Гранадага сафар қилди. Унда Хоан Хорданнинг ягона голи андалусияликларга ғалаба келтирди. Шу тариқа, кетма-кет икки турда ғалабани тантана қилган Хулен Лопетеги шогирдлари турнир жадвалида пешқадамга айланиб олди.
Бироқ ушбу учрашувда «Севилья» «Реал»дан ижарага олган Серхио Регилонни йўқотди. 1-тур қаҳрамонига айланган ҳимоячи жароҳат сабаб сафдан чиқди.«Реал» — «Вальядолид»
Биринчи турда ажойиб ғалабага эришган «Реал» ўз майдонида «Вальядолид»ни қабул қилди. Учрашувда катта ташаббусга эга бўлган мадридликлар ўйинни ўз фойдасига ҳал қила олмади.
Баҳснинг сўнгги дақиқалари драматик руҳда кечди. 82-дақиқада Карим Бензема «Сантяго Бернабеу» узоқ кутган голни урди, бироқ «қаймоқранглилар»нинг хурсандчилиги узоққа чўзилмади. 88-дақиқада Серхио Гвардиола меҳмонларга бир очко келтирган голга муаллиф бўлди.
«Реал» таркибдаги йўқотишлар ўз сўзини айтмай қолмади. Асосий етакчилардан бирига айланиши кутилаётган Эден Азарнинг йўқлиги ва 60 миллион еврога харид қилинган Лука Йовичнинг ҳали жамоага киришиб кета олмагани сабабли ҳам ҳужумда ранг-баранглик кўринмади. «Вальядолид» эса кетма-кет иккинчи ўйинда ҳам характер кўрсатган ҳолда сенсецион натижа қайд этди.«Леганес» — «Атлетико»
«Атлетико» мазкур турда «Леганес» майдонида меҳмон бўлди ва ўз услубида муваффақият қозонди. Кескин ва муросасиз кечган учрашув тақдирини Витолонинг ягона голи ҳал қилди. У захирадан майдонга тушганига 1 дақиқа ўтмасидан Жоау Феликснинг узатмасини голга айлантира олди.
Мавсумлар ралиғида сермаҳсуллик намойиш қилган Диего Симеоне шогирдлари расмий баҳсларда буни амалга ошира олмаяпти. Дастлабки турда ҳам «матрасчилар» минимал ҳисобдаги ғалаба билан уч очкога эга чиққанди.«Барселона» — «Бетис»
Бильбаодаги аламли мағлубиятдан кейин амалдаги чемпион ўз майдонида «Бетис»ни қабул қилди. Асосий ҳужум учлиги — Лионель Месси, Луис Суарес ва Усмон Дембеле мазкур учрашувда иштирок этмаслиги боис мезбон жамоа мухлисларида катта хавотир бор эди. Бу эса Антуан Гризманнинг «катта саҳна»га чиқишига замин яратди.
Ўйин дебюти севиляликлар учун омадл келди, ёзги трансфер ойнасида сотиб олинган Набиль Фекир 15-дақиқада меҳмонларни олдинга олиб чиқди. Бироқ бунга каталонлар бешта тўп билан жавоб қайтарди. Танаффус арафасида ҳисобни тенглаштирган франциялик футболчи, иккинчи бўлим дебютида қойилмақом зарбаси билан меҳмонлар дарвозасини ишғол қилди. Шундан кейин Карлес Перес, Жорди Альба ва Артуро Видаль бир мартадан «Бетис» дарвозасини аниқ нишонга олди. Гризманн иккита гол уриш билан бирга битта голга ассистентлик ҳам қилди.Бошқа учрашувлар
Ўтган турда «Эйбар»ни мағлуб этган янги мавсум дебютанти — «Мальорка» бу сафар «Реал Сосьедад»ни ўзида қабул қилди. Мазкур баҳсда «Реал»дан ижарага олинган ҳужумчи Мартин Эдегорнинг голи Сан-себастианликларга ғалаба олиб келди.
«Сельта» 2-турни ҳам ўз майдонида ўтказди, бу сафар Вигода «Валенсия» меҳмон бўлди. Меҳмонлар кутилмаганда бу турда ҳам ғалаба қозона олмади. Ўтган тур қаҳрамони — «Атлетик» мазкур турда «Хетафе» билан дуранг ўйнаб қўйди.
Тур рақамларда
Иккинчи турдан кейин фақат иккита жамоа — «Севилья» ва «Атлетико» 100 фоизлик натижа билан турнир жадвалида пешқадам бўлиб турибди. Уларнинг кетидан олтита жамоа 4 очко билан кетмоқда. Яна икки клуб («Бетис», «Леганес») ҳали бир очко ҳам қўлга киритмади.Бу турда энг кўп гол «Барселона» — «Бетис» учрашувида (7 та) қайд этилди, шунингдек, турдаги ягона йирик ҳисоб ҳам шу ўйинда бўлди. «Леванте» — «Вильярреал» баҳсида учта тўп киритилди. Қолган ўйинларда урилган голлар сони иккитадан ошмади.
Иккита беллашув эса 0:0 ҳисоби билан якунланди.
Ла Лига
2-тур баҳслари
23 август, жума
«Гранада»—«Севилья» 0:1
Гол: 0:1 — 52 Жордан«Леванте»—«Вильярреал» 2:1
Голлар: 0:1 — 3 Морено, 1:1 — 68, пенальти, Марти, 2:1 — 73, пенальти, Марти24 август, шанба
«Осасуна»—«Эйбар» 0:0
«Реал»—«Вальядолид» 1:1
Голлар: 1:0 — 82 Бензема, 2:0 — 88 Гвардиола24 август, шанба
«Сельта»—«Валенсия» 1:0
Гол: 1:0 — 15 Фернандес«Хетафе»—«Атлетик Бильбао» 1:1
Голлар: 0:1 — 6 Рауль Гарсия, 1:1 — 12 Мата25 август, якшанба
«Алавес»—«Эспаньол» 0:0
«Мальорка»—«Реал Сосьедад» 0:1
Гол: 0:1 — 83 Эдегор«Леганес»—«Атлетико Мадрид» 0:1
Гол: 0:1 — 71 Витоло«Барселона»—«Бетис» 5:2
Голлар: 0:1 — 15 Фекир, 1:1 — 41 Гризманн, 2:1 — 50 Гризманн, 3:1 — 56 Карлес Перес, 4:1 — 60 Альба, 5:1 — 77 Видаль, 5:2 — 79 МоронМусобақа жадвали
Тўпурарлар рўйхати
- Лоренсо Морон — 2 та гол
- Херар Морено — 2 та гол
- Карим Бензема — 2 та гол
- Антуан Гризманн — 2 та гол
- Серхио Гвардиола — 2 та гол
- Рохер Марти — 2 та гол
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)