Тараққиёт роботларнинг зиммасига қатор вазифаларни юклаб, одамларга кўмакчи қилиш илинжида. Бироқ, бугун роботлар бизга ёрдамчи бўлса, эртага ишимизни тортиб олиши ҳам мумкин. Қуйида яқин келажакда фаолиятини роботларга бўшатиб берадиган касблар рўйхатини тақдим қиламиз:

1. Жамоат транспорти ҳайдовчиси

Фото: The National

Дубай метроси ҳайдовчисиз бошқарилади. Тахминларга кўра, яқин 10 йил ичида ривожланган мамлакатлар кўчаларида ҳайдовчисиз автобуслар пайдо бўлади.

2. Курьер

Скрин: YouTube

Дронлар ҳажми катта бўлмаган посилкаларни етказиб беришни «ўрганди». Бундан ташқари, ҳайдовчисиз автомобиллар ҳам маҳсулотларни манзилга етказиб беришни бошлади.

3. Бухгалтер

Фото: Realtribune

Ҳисоботлар қилиш ҳамда харажатлар жадвалини тузиш жуда муҳим. Бу вазифаларни роботлар бажаришига ўргатиш қийин иш эмас. Бироқ, низоли вазиятлар бўлиши ва уларни ҳал қилиш учун машиналардан кўра, бухгалтер ёки тажрибали юрист хизмати керак бўлиши мумкин. Катта эҳтимол билан, ушбу касб эгалари вазифаси бошқачароқ бўлади.

4. Юрист ёрдамчиси

Фото: Layer

Роботларнинг қўлидан ҳужжатларни саралаш ҳам келади.

5. Ошпаз

Фото: Pinterest

Бир турга малакаси кам ошпазлар киради. Масалан, котлет қовурувчи, бургер тайёрловчилар ва бошқалар. Ёшлар орасида машҳур ҳисобланган касб ҳам тарихда қолади.

6. Кассир

Фото: «Японика»

АҚШда МаcDonald’s кассирларни сенсор орқали буюртма бериш, карта орқали тўловни амалга ошириш мумкин бўлган автоматларга алмаштирган. Ҳисоб-китобларга кўра, бу ходимларга тўланиши керак бўлган маблағларнинг тежалишига, улар билан тортишувларга нуқта қўйилишига сабаб бўлган.

 7. Банк ходими

Фото: «Ura.news»

Эртами-кечми мобил банкинг ва нақд пулсиз тўловларга ўтамиз. Ҳозирда деярли ҳамма жойда карта орқали тўлов амалга ошириш мумкин. Расмий иш берувчилар иш ҳақини нақд пулда тўламайдиган бўлган. Таиландда баъзи фрилансерлар иш ҳақини фақат электрон кўринишда ҳисоблашга ўрганган.