Mustaqillik bayramini ko‘ngildagidek, tinch-osuda o‘tishini ta’minlash uchun esa O‘zbekiston Ichki ishlar vazirligi va uning quyi tizimlari tomonidan bayramoldi tadbirlari tashkil etilib, alohida hozirlik ko‘rilmoqda, deya xabar bermoqda IIV matbuot xizmati.
24-avgust kuni Toshkentdagi “Milliy” stadionda Mustaqillik bayrami oldidan IIVning Markaziy apparati xodimlarining xizmatga shayligini aniqlash maqsadida saf ko‘rigi o‘tkazildi.
Unda sohaviy xizmat xodimlari saf totgancha IIV Alohida namunali-ko‘rgazmali orkestri tomonidan chalingan jangovor kuylar sadosi ostida saf yurishlarini o‘tkazib, ularning tashqi ko‘rinishi, bayram davomida ularga zarur bo‘ladigan buyumlar va jangovor shaylik yana bir bor tekshirildi.
“Mazkur tadbirda eng avvalo xalq manfaati yo‘lida adolatli xizmat olib borish, jamoat tartibini saqlash va yo‘l-harakati xavfsizligini ta’minlashga yanada yuksak e’tibor qaratish lozimligi qayd etildi”, — deyiladi IIV Jamoatchilik va OAV bilan aloqalar boshqarmasi axborotida.
Izoh (0)