«Тошкент-аэро» ИБК Контрабанда ва божхона қонунчилиги бузилишига қарши курашиш бўлими ходимлари йирик миқдордаги қўл телефонлари яширинча олиб кирилишининг олдини олди.
Парвозини якунлаганига 8 соатдан ортиқ вақт ўтса-да, фуқаро Р.М.нинг аэропортдан чиқиб кетишга ҳаракат қилмаслиги божхона ходимларини шубҳалантиради.
Қолаверса, ушбу йўловчи ўзига тегишли 3 дона багажнинг «Сеул—Тошкент» рейси бўйича келтирилганлигини тасдиқловчи ёрлиқларни олиб ташлаб, «Москва—Тошкент» рейсида келтирилган бошқа багажлардан олинган ёрлиқларни ёпиштиради.
Бу билан у гўё Сеулдан эмас, бошқа шаҳардан келаётган йўловчидек таассурот қолдиришга уринади.
Божхонадан «қизил» йўлак орқали ўтар экан, ушбу юклар холислар иштирокида кўздан кечирилди. Натижада қиймати 250 миллион сўмлик 244 дона уяли телефон ва 50 дона парфюмерия воситаси божхона назоратидан яширилгани аниқланди.
Ушбу ҳолат юзасидан текширув олиб борилмоқда.
Изоҳ (0)