“Toshkent-aero” IBK Kontrabanda va bojxona qonunchiligi buzilishiga qarshi kurashish bo‘limi xodimlari yirik miqdordagi qo‘l telefonlari yashirincha olib kirilishining oldini oldi.
Parvozini yakunlaganiga 8 soatdan ortiq vaqt o‘tsa-da, fuqaro R.M.ning aeroportdan chiqib ketishga harakat qilmasligi bojxona xodimlarini shubhalantiradi.
Qolaversa, ushbu yo‘lovchi o‘ziga tegishli 3 dona bagajning “Seul—Toshkent” reysi bo‘yicha keltirilganligini tasdiqlovchi yorliqlarni olib tashlab, “Moskva—Toshkent” reysida keltirilgan boshqa bagajlardan olingan yorliqlarni yopishtiradi.
Bu bilan u go‘yo Seuldan emas, boshqa shahardan kelayotgan yo‘lovchidek taassurot qoldirishga urinadi.
Bojxonadan “qizil” yo‘lak orqali o‘tar ekan, ushbu yuklar xolislar ishtirokida ko‘zdan kechirildi. Natijada qiymati 250 million so‘mlik 244 dona uyali telefon va 50 dona parfyumeriya vositasi bojxona nazoratidan yashirilgani aniqlandi.
Ushbu holat yuzasidan tekshiruv olib borilmoqda.
Izoh (0)