Ўзбекистон Мустақиллигининг 28 йиллиги байрами арафасида Навбаҳор тумани марказида замонавий лойиҳа асосида туман ФВБ ЁХБ бўлимининг янги биноси фойдаланишга топширилди. Бу ҳақда ФВВ матбуот хизмати маълум қилди.
Бинонинг тантанали очилиш маросимида ФВВ, Навоий вилояти ҳокимлиги, давлат ва жамоат ташкилотлари ҳамда кенг жамоатчилик вакиллари иштирок этган.
Замонавий кўринишда қурилган ушбу бино барча қулайликларга эга бўлиб, ходимлар учун хизмат хоналари, мажлислар зали, ошхона ва дам олиш хонаси мавжуд. Шахсий таркибнинг жанговар шайлигини ошириш мақсадида спорт зали ҳамда футбол ва волейбол ўйингоҳлари ҳам ташкил этилган.
Тадбир давомида вилоятнинг олис туманларида жойлашган ФВБ бўлимларига махсус қутқарув асбоб-анжомлари топширилган.
Шунингдек, Қурбон ҳайити муносабати билан ФВБ ЁХБда фаолият олиб бораётган ходимларни ижтимоий қўллаб-қувватлаш мақсадида беш нафар оила фарзандларига суннат тўйи ва бир нафар ходимнинг никоҳ тўйи ўтказилган ҳамда уларга қимматбаҳо совғалар тақдим этилган.
Изоҳ (0)