Сирдарё вилояти божхона бошқармаси «Сирдарё» чегара божхона постида салкам 400 грамм заргарлик буюмини ноқонуний олиб ўтишга уринган аёл қўлга олинди. Бу ҳақда Божхона қўмитаси ахборот хизмати хабар берди.
«Оқолтин» ўтказиш пункти орқали Қозоғистондан Ўзбекистонга пиёда ҳаракатланаётган С.М. исмли фуқаро билан оғзаки савол-жавоб қилинганида, унинг хатти-харакатларидан божхона ходимларида шубҳа уйғотган. Натижада унинг қўл сумкаси текширилган. Сумканинг таг қисмидаги астари остига яшириб қўйилган оғирлиги 395,96 грамм бўлган тахминан нархи 11 868 000 сўмлик заргарлик буюмлари борлиги аниқланган.
Шунингдек, айни шу чегара божхона пости орқали Қозоғистондан Ўзбекистон томон пиёда ҳаракатланаётган Й.Д. исмли фуқаро ички кийимига яшириб олиб, оғирлиги 83,50 грамм бўлган тахминий қиймати 20 875 000 сўмлик аёллар заргарлик буюмлари олиб ўтишга урингани аниқланган.
Мазкур ҳолатлар бўйича суриштирув ишлари олиб борилмоқда.
Изоҳ (0)