7 августнинг эътиборга молик янгиликлари — «Дарё» дайжестида.
6 август куни тахминан 21:30 да Тошкентнинг Мирзо Улуғбек тумани Мустақиллик кўчаси «Пушкин» метроси яқинида уч автомобиль иштирокида жиддий ЙТҲ содир бўлди. Ҳодиса содир бўлган участкада бир қанча вақт давомида ҳаракат чекланди.
Пойтахт ИИББ матбуот хизматининг хабар қилишича, қурбонлар йўқ. Дастлабки тахминларга кўра, хориж автомобилининг 33 ёшли ҳайдовчиси Ш.Ж. бошқарувни йўқотиб, иккита енгил автомобиль билан тўқнашган. ЙТҲ сабаблари ўрганилмоқда.
***
Қирғизистонда собиқ президент Алмазбек Атамбаевни қўлга олиш бўйича махсус операция амалга оширилди.
Собиқ президентнинг уйи махсус тайёргарликдан ўтган ҳарбийлар томонидан қамал қилинган ва отишма бошланган. Атамбаевнинг дала ҳовлисида унинг тарафдорлари ва журналистлар тўпланган. Отишма бошлангач, ўнлаб киши жароҳат олган.
2 соат давом этган махсус амалиётдан сўнг Атамбаев қўлга олиниб, ҳуқуқ-тартибот органлари томонидан олиб кетилган.
***
Тошкент вилоятининг Пискент туманида яшовчи 27 ёшли О.А. уйида ўзаро жанжал оқибатида маст ҳолда бўлган 57 ёшли отаси Ў.А. танасининг турли жойларига қўллари билан уриб жароҳат етказди.
Натижада Ў.А. воқеа жойида вафот этган.
***
Андижонда 10 йилдан буён фарзанд кўришни орзу қилаётган оила бир йўла уч эгизакли бўлди.
Эгизакларга Фотима, Муҳаммадазиз ва Зуҳра деб исм қўйилди.
***
Гиёҳванд моддалар савдоси бўйича қамалган бразилиялик жиноятчи Клаувину да Силва аёл кўринишида кийиниб олиб, қамоқхонадан қочишга уринганидан уч кун ўтиб ўз камерасида ўлик ҳолда топилган.
Изоҳ (0)