7-avgustning e’tiborga molik yangiliklari — “Daryo” dayjestida.
6-avgust kuni taxminan 21:30 da Toshkentning Mirzo Ulug‘bek tumani Mustaqillik ko‘chasi “Pushkin” metrosi yaqinida uch avtomobil ishtirokida jiddiy YTH sodir bo‘ldi. Hodisa sodir bo‘lgan uchastkada bir qancha vaqt davomida harakat cheklandi.
Poytaxt IIBB matbuot xizmatining xabar qilishicha, qurbonlar yo‘q. Dastlabki taxminlarga ko‘ra, xorij avtomobilining 33 yoshli haydovchisi Sh.J. boshqaruvni yo‘qotib, ikkita yengil avtomobil bilan to‘qnashgan. YTH sabablari o‘rganilmoqda.
***
Qirg‘izistonda sobiq prezident Almazbek Atambayevni qo‘lga olish bo‘yicha maxsus operatsiya amalga oshirildi.
Sobiq prezidentning uyi maxsus tayyorgarlikdan o‘tgan harbiylar tomonidan qamal qilingan va otishma boshlangan. Atambayevning dala hovlisida uning tarafdorlari va jurnalistlar to‘plangan. Otishma boshlangach, o‘nlab kishi jarohat olgan.
2 soat davom etgan maxsus amaliyotdan so‘ng Atambayev qo‘lga olinib, huquq-tartibot organlari tomonidan olib ketilgan.
***
Toshkent viloyatining Piskent tumanida yashovchi 27 yoshli O.A. uyida o‘zaro janjal oqibatida mast holda bo‘lgan 57 yoshli otasi O‘.A. tanasining turli joylariga qo‘llari bilan urib jarohat yetkazdi.
Natijada O‘.A. voqea joyida vafot etgan.
***
Andijonda 10 yildan buyon farzand ko‘rishni orzu qilayotgan oila bir yo‘la uch egizakli bo‘ldi.
Egizaklarga Fotima, Muhammadaziz va Zuhra deb ism qo‘yildi.
***
Giyohvand moddalar savdosi bo‘yicha qamalgan braziliyalik jinoyatchi Klauvinu da Silva ayol ko‘rinishida kiyinib olib, qamoqxonadan qochishga uringanidan uch kun o‘tib o‘z kamerasida o‘lik holda topilgan.
Izoh (0)