Мажбурий ижро бюроси Қўқондаги спагетти цехидаги ўғриликни фош қилди. Бу ҳақда МИБ матбуот хизмати «Дарё»га хабар берди.
Мажбурий ижро бюроси Қўқон шаҳар бўлими тезкор ходимлари томонидан шаҳардаги спагетти ишлаб чиқариш корхонасида энергия ресурслари таъминотидан фойдаланишнинг қонунийлиги текширилганида «Электр энергиясидан фойдаланиш қоидалари»га зид равишда умумий фойдаланишдаги электр тармоғига ноқонуний равишда ҳеч қандай шартнома расмийлаштирмасдан ўзбошимчалик билан уланиб олиб, электр энергиясидан текин фойдаланиб келаётганлиги ҳолати аниқланган.
«Фарғона ҳудудий электр тармоқлари» АЖ мутахассислари томонидан 2019 йилнинг 29 июнида берилган якуний қайта ҳисоб-китоб хулосасига кўра, корхона томонидан 15 ой давомида 744 224 киловатт соат ёки 246 миллион 338 минг сўмлик электр энергияси ўғирланганлиги маълум бўлди.
Корхона иш юритувчиси Р. Алиёров терговга қадар текширув даврида давлатга етказилган зарарни тўлашдан қатъий бош тортган.
Ҳозирда корхона иш юритувчиси Р. Алиёровга нисбатан Ўзбекистон Республикаси ЖКнинг 185-моддаси 4-қисми билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)