Туркия президенти Ражаб Тоййиб Эрдўғон Сурияда янги ҳарбий операцияларни ўтказишга тайёр эканлигини билдирди. Бу ҳақда президент мамлакатда янги автомагистралнинг очилиш маросимида маълум қилган, деб хабар беради Reuters.
«Биз Афринга, Жараблус ва Ал-Бабга кирдик. Энди Фиротдан шарққа қараб юрамиз. Биз юртимизга нисбатан амалга ошириладиган ҳужум олдидан тинчгина туролмаймиз», — дейди Эрдўғон. Туркия президентининг қўшимча қилишича, улар ўз режаси ҳақида Россия ва АҚШни бохабар этган.
Июль ойининг охирида Туркия Сурияга ҳужум уюштириш ниятида эканлигини билдирганди. Анқара минтақада хавфсиз зонани яратиш бўйича Вашингтон билан музокаралар ўтказишдан «сабри тўлгани»ни маълум қилганди.
Изоҳ (0)