Миллий матбуот марказида «Жаслиқ» колониясини тугатиш тўғрисидаги қарор ижроси ва мазмун-моҳиятига бағишланган матбуот анжумани бўлиб ўтди. Бу ҳақда ЎзА хабар берди.
Журналистлар томонидан берилган «Ўзбекистонда мавжуд жазони ўташ жойларида ибодат қилишга рухсат этиладими?», саволига Ички ишлар вазирлиги мутасаддилари аниқлик киритди.
Унга кўра, жазони ўташ жойларида ўрнатилган ягона тартиб, кун режаси мавжуд. Маҳбуслар мазкур тартибни бузмаган ҳолда ўз диний эътиқодларидан келиб чиқиб, диний амалларини бажариши мумкин.
Диний амалларни бажариш Ўзбекистондаги ҳеч қайси жазони ўташ жойларида тақиқланмаган. Рўза ойларида уларни овқатга мажбурлаш ёки бошқа ибодатларини бузиш ҳолатлари кузатилмаган. Бу ҳақда Ички ишлар жазони ижро этиш бош бошқармаси бошлиғи Жамшид Султонов маълум қилди.
Эслатиб ўтамиз, айни пайтда маҳбусларни 1 ой давомида яшаш жойларига яқин бўлган ҳудуддаги колонияга жўнатилиши кутилмоқда. Шунингдек, «Жаслиқ»да фаолият юритаётган ходимлар ҳам худди шу тизимда ҳудудлар бўйича ишга жойлаштирилади.
Изоҳ (0)