Ҳиндистон ва бошқа бир қатор мамлакатларда машҳур бўлган Cafe Coffee Day қаҳвахона тармоғи асосчиси Ви Жи Сиддхартхи ўлик ҳолда топилди, деб хабар бермоқда «ТАСС».
У 30 соатдан ортиқ қидирувдан сўнг Карнатака штатининг Мангалуру шаҳри яқинидаги дарёдан топилган. Унинг қариндошлари ва дўстлари бу Ви Джи Сиддхатрхи жасади эканлигини тасдиқлаган.
Маълум бўлишича, Сиддхатрхи 29 июлда кечаси йўқолган. Тадбиркорнинг ҳайдовчиси улар Мангалуру шаҳридаги Нетравати дарёси устидаги кўприкка келганда Сиддхартха машинани тўхтатишни сўраган. У чиқиб, ҳайдовчига дарёнинг нариги қирғоғида кутиб туришни буюрган. Ҳайдовчи уни узоқ вақт кутган, аммо у келмаган, телефони эса ўчирилган бўлган.
Уни қидириш полиция ва ғаввослар иштирокида давом этган. Унинг жасади эрта тонгда соҳилга қалқиб чиққанда балиқчилар кўриб қолган.
Хабарда айтилишича, тадбиркор йўқолишидан бироз олдин ўз ходимларига «тўғри бизнес модели» ярата олмагани туфайли афсусда эканлиги ёзилган хат юборган.
«Мен бор кучимни ишга солганимга қармай, тўғри бизнес модел туза олмадим. Бу бизнесга боримни бағишлаганимни айтмоқчиман. Менга ишонган одамларга панд беришдан афсусдаман. Узоқ вақт давомида курашдим, аммо бугун таслим бўлдим. Чунки менга босим ўтказишларига ортиқ чидай олмасдим», — деб ёзилган хатда.
Тадбиркорнинг сўзларига кўра, у кредиторлар ва солиқчилардан акцияларни ўзига фойдасиз шартларда сотиб олишга мажбур қилган шерикларидан бирининг босими остида бўлган. Хатнинг ҳақиқийлиги текширилмоқда.
Маълумот учун, Cafe Coffee Day Ҳиндистонда машҳур бўлиб, бу ерда Американинг Starbucks қаҳвахона тармоғига рақобатчи ҳисобланади. Ҳиндистоннинг 28 та штатида ҳамда Австрия, Миср, Малайзия, Непал, Чехия ва бошқа мамлакатларда 1,5 мингдан ортиқ филиаллари бор.
Изоҳ (0)