Афғонистоннинг Фарах вилоятида автобус ёнида портлаш содир бўлди. Бу ҳақда Pajhwok агентлигига таяниб, «ТАСС» хабар бермоқда.
Оқибатда камида 34 киши ҳалок бўлган, 17 киши жароҳатланган. «РБК»нинг ёзишича, улар орасида аёллар ва болалар ҳам бор.
Портловчи мослама Қандаҳор ва Ҳирот шаҳарларини боғловчи трассада ўрнатилган. Агентлик воқеа жойидан олинган бир нечта суратларни ҳам тақдим этган. Унда портлаш таъсирида ағанаган автобусни кўриш мумкин.
Ҳозирча ҳеч қайси террорчилик гуруҳи портлаш учун жавобгарликни ўз зиммасига олмаган.
Изоҳ (0)