Америкалик сайловчиларнинг ярмидан кўпи (51 фоиз) АҚШ президенти Дональд Трампни ирқчи деб ҳисобламоқда. «Korrespondent.net»нинг хабар беришича, бу Квиннипекск университети жамоатчилик фикрини ўрганиш маркази томонидан ўтказилган сўровнома натижаларидан маълум бўлган.
Қолган 45 фоиз иштирокчилар эса Трампни ирқчи деб ҳисобламайди. Оқ танли аҳолининг 46 фоизи Трампнинг хатти-ҳаракатлари ирқчилик эканлигига ишонади, 50 фоизи эса бу фикрни қўллаб-қувватламайди.
Қора танли аҳоли орасида эса Трампни ирқчи деб ҳисобловчилар 80 фоизни, лотинамерикаликлар эса 55 фоизни ташкил этади.
Бу АҚШ президентининг биринчи марта ирқчиликда айбланиши эмас. Трамп 14 июлда ирқчилик қилиб, Демократлар партиясидан бўлган тўрт нафар аёлни ўз юртларига қайтиб, ўша ерда тартиб ўрнатишга чақирганди. АҚШ Конгресси Трампнинг бу ишини қоралаган.
Изоҳ (0)