Японияда 22 июлдан 28 июлга қадар ҳаво ҳароратининг юқорилиги сабаб 11 киши ҳалок бўлди, яна 5,6 минг киши шифохонага етказилди, деб хабар беради «ТАСС».
Июль ойи Японияда одатдаги ёз фаслига нисбатан салқин келган, мунтазам давом этган ёғингарчилик сабаб қуёшли кунлар кам бўлган. Бироқ ўтган ҳафта метеорологлар расман ёмғирлар мавсуми тугаганини маълум қилганди. Ҳаво ҳарорати 32—33 даражага етган.
Жорий ҳафтада эса Хонсю оролидаги ҳаво ҳарорати кундузи 35 даражага етиши кутилмоқда.
Жабрланган ва ҳалок бўлганларнинг аксарияти ортиқча чиқим қилишни истамай, уйига кондиционер ўрнатмаган ёши катта инсонлар. Мамлакат расмийлари аҳолидан бош кийимда юришни, кўпроқ суюқлик ичиш ва узоқ вақт қуёш тагида қолмасликни сўрамоқда.
2018 йилда кучли иссиқ сабаб Японияда 150 дан ортиқ одам ҳалок бўлган, ўн минглаб одам шифохонага тушиб қолган эди.
Изоҳ (0)