Чимкент чеккасида яшовчи аҳолини қорақуртлар чақишни бошлади, деб хабар бермоқда “Zakon.kz”. Қайд этилишича, бугунги кунга келиб 23 кишини қорақурт чаққан.
«Жабрланганлар кўпинча тунда мурожаат қилади. Чунки қорақуртлар, асосан, тунги соат 2 дан кейин чақади. У кўпинча кўчада ухлаётган одамлар тўшагига ўрмалаб келади», — деган Гиперболик оксигенация марказининг токсикология бўлими бошлиғи Асилхан Минбосинов.
Шифокорлар маълумотларига кўра, жабрланганларнинг ҳаммаси эркаклардир. Шифокорларнинг сўзларига кўра, чақиш дарров билинади, лекин унинг хавфли оқибатлари орадан бир қанча вақт ўтгандан кейингина бошланади. Дастлаб бўғинларда оғриқ пайдо бўлади, кейин кўкракни сиқишни бошлайди, ундан кейин эса одамга ҳаво етишмай қолади.
«Мен кооператив ҳудудни қўриқлайман. Текшириш учун айланиб чиқиш вақтида оёғимда оғриқ сездим. Қорақуртни ўлдирдим, лекин орадан вақт ўтиб мазам қочди. Дам олиш учун ётдим, икки соатдан кейин эса ҳатто оёқларимни ҳам сезмай қолдим. Нафас олишим қийинлашди, ўлиб қоламан деб ўйлагандим. Тез ёрдам чақиртиришди, мана ҳозир касалхонадаман», — деган қорақурт чаққан беморлардан бири.
Изоҳ (0)