Италиянинг Австрия билан чегарадош Альп тоғларига югуришга чиққан аёл яшин уриши оқибатида ҳалок бўлди, деб ёзмоқда «Korrespondent.net».
Қайд этилишича, воқеа содир бўлган вақтда 45 ёшли аёл табиат релефи бўйича югуриш пойгасида иштирок этаётган бўлган.
Қутқарувчилар уни Сарентино ва Пассирия водийлари орасидан топишганида аёл ҳали тирик бўлган. У касалхонага ётқизилган, орадан бир мунча вақт ўтиб эса вафот этган. Ҳалок бўлган аёл Норвегия фуқароси бўлган.
Таъкидланишича, яшин аёл денгиз сатҳидан 2,1 минг метр баландликда бўлганида урган.
Эслатиб ўтамиз, аввалроқ Ҳиндистонда яшин уриши оқибатида 32 киши, Бангладешда эса 14 киши ҳалок бўлганди.
Изоҳ (0)