Italiyaning Avstriya bilan chegaradosh Alp tog‘lariga yugurishga chiqqan ayol yashin urishi oqibatida halok bo‘ldi, deb yozmoqda “Korrespondent.net”.
Qayd etilishicha, voqea sodir bo‘lgan vaqtda 45 yoshli ayol tabiat relyefi bo‘yicha yugurish poygasida ishtirok etayotgan bo‘lgan.
Qutqaruvchilar uni Sarentino va Passiriya vodiylari orasidan topishganida ayol hali tirik bo‘lgan. U kasalxonaga yotqizilgan, oradan bir muncha vaqt o‘tib esa vafot etgan. Halok bo‘lgan ayol Norvegiya fuqarosi bo‘lgan.
Ta’kidlanishicha, yashin ayol dengiz sathidan 2,1 ming metr balandlikda bo‘lganida urgan.
Eslatib o‘tamiz, avvalroq Hindistonda yashin urishi oqibatida 32 kishi, Bangladeshda esa 14 kishi halok bo‘lgandi.
Izoh (0)