15 ёшли британиялик ўсмир Fornite бўйича жаҳон кубогида 1 млн доллардан кўпроқ пул ютиб олди

15 ёшли британиялик ўсмир Жейден Эшмэн шериги голландиялик Дейв Жонг билан бирга Fornite компьютер ўйини бўйича жаҳон кубогида иккинчи ўринни эгаллади ҳамда 2,25 миллион доллар ютиб олди, деб хабар берди «Gametech.ru».

Ютуқ суммаси иккала ғолиб томонидан тенг бўлинади.

Эшмен «Wolfiez» тахаллуси остида чиқиш қилган ва BBC нашрига берган интервьюсида натижадан ҳайратда эканлигини маълум қилган.

Турнирнинг ютуқ жамғармаси 30 миллион доллар бўлиб, ҳозирги кунда киберспорт тарихидаги энг йирик соврин жамғармасини ташкил этди.

Эшмэн Fornite’ни яқиндан бери ўйнай бошлаганини ва финалчилар каби машҳур эмаслигини айтиб ўтган.

Унинг онаси Лиза Доллманнинг айтишича, ўғлининг ушбу ўйинни ўйнаши ортидан баҳолари пасайиб кетганидан доимо уни койиб келган.

Кунлардан бирида у ҳатто ўғлининг Xbox’ини ташлаб юборган, эндиликда эса Эшмэннинг киберспортчи бўлиш танловини қабул қилган.

Оммабоп «қироллик жангги» бўйича жаҳон кубоги мусобақаларида 13 ёшга тўлган ҳамда 10 та онлайн-турнирлар исталган ўсмир иштирок этиши мумкин.