Заҳа учун 80 млн фунт? Йўқ, бўлмайди. «Арсенал»га керак бўлган трансфер ҳақида

«Арсенал» учун ёзги трансферлар ойнаси осон ўтаётгани йўқ.

Лондонликлар Европа Чемпионлар Лигаси йўлланмасидан қуруқ қолгани сабаб, трансферлар учун ҳам ортиқча маблағ ҳақида гапирмаса ҳам бўлади. Футболчилар ҳам «Эмирейтс»га кўчиб ўтиш иштиёқида ёнаётгани йўқ. Ўтган мавсум «Арсенал» учун сўнгги 20 йил ичидада илк бор Арсен Венгерсиз ўтди. Ўтиш даври мураккаб, бироқ талафотларсиз кечди ҳисоб: Унаи Эмери «тўпчилар»ни Европа Лигаси финалига қадар етаклаб борди. Шунингдек, Англия Премьер лигасида жамоа 6-ўринни эгаллади.

Ёзги трансферларни ойнасини ҳам клуб учун омадли ўтмоқда, деб бўлмайди. Унаи Эмери клуб иложи борича тезроқ Уилфрид Заҳани ўз сафига қўшиб олишини сўрамоқда. Бироқ «Кристал Пэлас» «Манчестер Юнайтед»нинг собиқ ўйинчисига шу қадар катта нарх белгилаганки, бу нарх ҳатто гранд клубларни ҳам ўйлантириб қўйишга мажбур қилган. «Пэлас» «канонирлар»нинг 40 миллион фунтлик таклифига аллақачон рад жавобини беришга улгурди. «Бургутлар» Заҳани 80 миллион фунтдан камига сотмоқчи эмас. Бу нархни эшитгандан сўнг клуб бошқа вариантлар ҳақида ўйлаб кўришга мажбур бўлмоқда.

Sportskeeda колумнисти Бен Уилфрид эса «Арсенал» учун мақбул вариантларни таклиф этишга ҳаракат қилиб кўрди. Қуйида уларни биргаликда кўриб чиқамиз.

Лукас Васкес  («Реал»)

Ёз ҳақида гап кетар экан, «Реал» учун фасл ҳақиқатан ҳам ёрқин ўтмоқда. Зидан аллақачон клуб бошқарувида. Флорентино Перес эса клубни кучайтириш учун аллақачон 250 миллион фунтдан ортиқ маблағ сарфлаб қўйди. Жамоага Эден Азар, Лука Йович, Родриго Лео, Ферлан Менди каби ўйинчилар келиб қўшилди. Узунқулоқ гапларга кўра, бу ҳали ҳаммаси эмас: трансфер ойнаси ёпилгунга қадар Поль Погба ҳам Зиданнинг шогирдлари қаторидан ўрин олиши мумкин.

Катта лойиҳаларни амалга оширишга чоғланган баъзи бир ўйинчиларини халос бўлишни исташи табиий. Шундай ўйинчилардан бир кўпинча захирадан майдонга тушадиган — Лукас Васкес. Ўтган мавсум Лукас Ла Лиганинг атиги 15 та ўйинида майдонга тушди. Ҳозир эса унинг асосий мақсади етарлича ўйин амалиётини тақдим эта оладиган клубни топиш ва унга кўчиб ўтишдан иборат. Васкеснинг «Арсенал»га ўтиши мумкинлиги ҳақидаги гап-сўзлар эса кеча пайдо бўлгани йўқ. Унинг трансфери 30 миллион фунтга баҳоланмоқда.

Малком («Барселона»)

Малком — ўтган мавсум узоқ давом этган «трансфер сериали»дан сўнг, катта можаролар эвазига «Барселона»га ўтганди. Футболчи аввалига «Рома»га розилик бериб, сўнгги сонияларда «Барселона» таклифини қабул қилиб, римликларнинг ғазабини қўзғаганди. Аммо футболчининг шунча можаролар эвазига «Барселона»га ўтгани, ўзини оқламади ҳисоб. Боиси футболчи Каталония клубида асосий таркиб ўйинчиси бўлиш тугул, захирадан ҳам муқим ўрин эгаллай олмади. Буни Малкомнинг Ла Лигадаги статистикаси ҳам кўрсатиб турибди — атиги 6 та ўйин. Гризманнинг клубга келиши ва Неймарнинг қайтиш эҳтимоли эса Малкомнинг шундоқ ҳам кичиккина имкониятларни парча-парча қилиб юборди. «Барселона» ҳам тезроқ Малкомни сотиб юборишни хоҳламоқда. «Арсенал»га эса айнан бразилиялик иқтидорда бўлгани каби кучли ва нозик техника соҳиби керак. Тўғри, у ортда қолган мавсум ўйин амалиётисиз қолди, бироқ бу унинг иқтидорини йўқота олмайди. Малкоминг трансфери 36 миллион фунт атрофида баҳоланмоқда.

Райан Фрейзер («Борнмут»)

Балки, «Арсенал» Англия Премьер лигаси ўйнаш тажрибасига ўйинчи керакдир? Агар Заҳа келмайдиган бўлса, Райан Фрейзер-чи? «Борнмут» футболчиси ўтган мавсумни аъло даражада ўтказди. Райан 2018/19 йилги мавсум АПЛда 7 та гол уриб, 14 та голли узатмани амалга оширди. Ассистентликда у фақатгина эндиликда «Реал» аъзоси ҳисобланган Эден Азардан ортда қолди — 15 та голли узатма. Фрейзер ҳам юқорироқ кўтарилиши кераклигини тушуниб турибди. Райаннинг трансфери — албатта, катта таваккал бўлади. Боиси биз унинг янги жамоада, бошқа савияли футболчилар билан қандай ўйин кўрсатишини билмаймиз. АПЛдаги тажрибасига қарамай, Фрейзерга янги жамоасига кўникиш учун вақт талаб этилади. Ҳа, унинг трансфери катта таваккал, бироқ Райан Заҳадан анчагина арзон туради. Унинг трансфери 27 миллион фунтга баҳоланмоқда.

Янник Феррейра Карраско («Далянь Ифан»)

Сўнгги йилларда Европаинг кўплаб кучли футболчилари Осиёга, хусусан, Хитой клубларига йўл олмоқда. Гап Европада қиларини қилиб бўлган ветеран ўйинчилар ҳақида эмас, балки «энг гуллаган ёшлик чоғида» Чин ўлкаси томон отланган — Янник Карраско ҳақида. 2016 йилги Европа Чемпионлар Лигаси финалида «Реал» дарвозасини ишғол қилган белгиялик ярим ҳимоячи айни дамда Хитойнинг «Далянь Ифан» клубида тўп тепиб юрибди. У «Атлетико Мадрид»да ўз ўрнига эга бўлган футболчи барчасига кўз юмиб, Хитойга кетганига ҳам 18 ойдан ошди. Футболчи Хитойдан безиганини очиқ-ойдин намойиш этмоқда. «Далянь» Карраскони можаралар сабаб маълум муддатга ўйинлардан ҳам четлатди. Бўлаётган ишлар эса футболчининг Европага қайтишни хоҳлаётганидан дарак бермоқда. «Арсенал» эса унинг учун ҳозирда идеал вариантлардан бири. Бельгияликнинг трансфери 18 миллион фунтга баҳоланмоқда.

Ёсин Браими (эркин агент)

Агар асосий мақсад пулни иқтисод қилиш бўладиган бўлса, у ҳолда Ёсин Браимидан яхшироқ вариант топилиши мушкул. Браими «Арсенал»га текинга тушади. Боиси футболчининг «Порту» билан шартномаси якунига етди ва у эркин агентга айланди. У ўтган мавсум ўзи учун рекорд бўлган кўрсаткични қайд этди — 13 та гол. Тўғри, унинг ёши 29 да, бироқ «канонирлар»га дарҳол натижа бера оладиган футболчи керак. Браими эса бунинг учун идеал вариант. Тежалган маблағ эвазига эса бошқа позицияларни кучайтириш ҳақида ўйлаш мумкин.