Шарқий ҳарбий округ ҳудудида жойлашган «Ғурумсарой» дала ўқув майдонида артиллерия мутахассислари амалий ўқув машғулотларини ўтказди. Бу ҳақда Мудофаа вазирлиги ахборот ва оммавий коммуникациялар департаменти «Дарё»га маълум қилди.
«Мамлакатнинг оловли қалқони бўлмиш артиллерия қўшинлари 122-мм гаубица Д-30 артиллерия қуролларидан амалий отиш машқларини бажариб, шартли нишонлар яксон қилинди», — дейилади хабарда.
Таъкидлаш керакки, ушбу машғулотларда барча қурилмаларни муддатли ҳарбий хизматни ўтаётган ҳарбий хизматчилар бошқарди. Дала майдонининг бошқа томонида «Зу-23» зенит қурилмасидан яна бир гуруҳ курсантлар ҳам амалий отиш машқларини бажарди.
Шунингдек Ил-76 ҳаво лайнеридан бир неча йиллик танаффусдан сўнг ҳаво десантчи бўлинмалари сакраш амалиётини бажариш мақсадида Фарғона гарнизони аэродромидан ҳавога кўтарилди ва амалий сакраш машғулотлари амалга оширилди.
Изоҳ (0)