17 июль куни соат 20:27да Юнусобод тумани, Амир Темур 1-тор кўчаси 6а-уйда жойлашган «Тошшаҳартрансхизмат» АЖ биносида ёнғин содир бўлаётганлиги ҳақида хабар келиб тушган. Бу ҳақда Тошкент шаҳар Ёнғин хавфсизлиги бошқармаси маълум қилди.
Ёнғин ўчириш жанговар бўлинмалари чақирилган манзилга соат 20:31 да етиб борган вақтда «Тошшаҳартрансхизмат» АЖ ва «Baymirage konctrution design» МЧЖга қарашли маъмурий бинолар оралиғида 3 квадрат метр майдонда чиқиндилар ёнаётганлиги маълум бўлган.
Жанговар бўлинмалар томонидан кўрилган тезкор чора ва ҳаракатлар натижасида ёнғин соат 20:41да ўчирилган. Ёнғин жойига 5 та ёнғин ўчириш техникаси жалб қилинган.
Ёнғин сигарета чекишда эҳтиётсизлик оқибатида содир бўлган, деб таҳмин этилмоқда.
Изоҳ (0)