Sharqiy harbiy okrug hududida joylashgan “G‘urumsaroy” dala o‘quv maydonida artilleriya mutaxassislari amaliy o‘quv mashg‘ulotlarini o‘tkazdi. Bu haqda Mudofaa vazirligi axborot va ommaviy kommunikatsiyalar departamenti “Daryo”ga ma’lum qildi.
“Mamlakatning olovli qalqoni bo‘lmish artilleriya qo‘shinlari 122-mm gaubitsa D-30 artilleriya qurollaridan amaliy otish mashqlari bajarilib, shartli nishonlar yakson qilindi”, — deyiladi xabarda.
Ta’kidlash kerakki, ushbu mashg‘ulotlarda barcha qurilmalarni muddatli harbiy xizmatni o‘tayotgan harbiy xizmatchilar boshqardi. Dala maydonining boshqa tomonida “Zu-23” zenit qurilmasidan yana bir guruh kursantlar ham amaliy otish mashqlarini bajardi.
Shuningdek Il-76 havo layneridan bir necha yillik tanaffusdan so‘ng havo desantchi bo‘linmalari sakrash amaliyotini bajarish maqsadida Farg‘ona garnizoni aerodromidan havoga ko‘tarildi va amaliy sakrash mashg‘ulotlari amalga oshirildi.
Izoh (0)