15 июль, душанба куни Тошкентда Ўзбекистон футбол ассоциациясининг навбатдан ташқари конференсияси бўлиб ўтди.
Конференсия кун тартибидан ЎФА президенти, вице-президентлар ва Ижроия қўмитаси аъзоларини сайлаш масалалари ўрин олган эди.
Унга кўра, Ўзбекистон футбол ассоциациясининг президенти сифатида ишлаб келган Очилбой Раматов ўз хоҳиши билан лавозимидан истеъфога чиққанлиги сабабли, унинг ўрнига Тошкент шаҳар футбол ассоциациясидан номзод сифатида Абдусалом Азизов кўрсатилди.
Конференсияда Азизов бир овоздан Ўзбекистон футбол ассоциацияси президенти лавозимига сайланди.
Шунингдек, Равшан Эрматов Ўзбекистон футбол ассоциацияси биринчи вице-президенти, ташкилот вице-президенти сифатида Муҳиддин Жўраев сайланди.
Маълумот учун, Абдусалом Азизов айни дамда Давлат хавфсизлик хизмати раиси ҳам ҳисобланади. У 2008—2009 йилларда Ўзбекистон футбол федерацияси вице-президенти бўлган. Бундан ташқари, Азизов Ўзбекистон ички ишлар вазири, Мудофаа вазири лавозимларида фаолият юритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)