Жиззах вилоятининг Ш.Рашидов туманидаги «Мулканлик» МФЙда яшовчи 51 ёшли Ғ.Р. шу маҳаллада яшовчи собиқ турмуш ўртоғининг уйида ўзаро жанжал сабаб 27 ёшли ўғли Ғ.Ж.нинг биқин қисмига пичоқ билан уриб, жароҳат етказди. Бу ҳақда ИИВ матбуот хизмати маълум қилди.
Натижада Ғ.Ж. касалхонага ётқизилган.
Ҳолат юзасидан жиноят иши қўзғатилиб, Ғ.Р.қўлга олинган. Тергов ҳаракатлари олиб борилмоқда.
Изоҳ (0)